Побарајте понуда на [email protected] и ние ќе ви ги испратиме најдобрите понуди за Тунис

ТУНИС
Во срцето на Медитеранот, Тунис е земја во која се спојуваат илјадници години култура, земја на традиција и легенди, светлина и боја, контрасти. Со своите прекрасни долги и широки песочни плажи, бројни хотели и културно-историски споменици, привлекува многубројни туристи од целиот свет, кои во големи броеви доаѓаат да уживаат под топлото африканско сонце и водите на средоземјетео но и да ги истражуваат знаменитостите на бурното минато, како и непознатите на секогаш мистичната и убава Сахара.
Тунис е најмалата и најсеверната африканска земја лоцирана во северозападниот дел на најжешкиот континент. Најсеверната точка е оддалечена само 145 км од Сицилија. Од северот и истокот, нејзините брегови во должина од 1300км ги заплискуваат водите на Средоземното Море, на запад граничи со Алжир, а со Либија на југоисток. Околу 40 проценти од територијата – особено јужните и југозападните територии ги покрива пустината Сахара. Планинскиот венец кој е дел од Источен Атлас, сече дијагонално низ целата земја и ја дели пустината од медитеранската клима. Тунис има богата и долга историја, но најбурен период доаѓа од пристигнувањето на Феникијците – основачите на Картагина, во деветтиот век п.н.е., па станува збор за 3000-годишна историја и култура во која влијанијанието го менуваат Пуните, Римјаните, Арапите, Турците, Африканците и разни европски народи … се до доаѓањето на Французите и воспоставувањето на нивниот протекторат над Тунис кон крајот на 19 век. Домородците на Тунис се Бербери кои денес сè уште зборуваат берберски јазик. По бурната историја обележана од разни освојувачи, Тунис станува Република во 1957 година.

Главниот град на Тунис, градот Тунис, се карактеризира со динамичен спој на традицијата и модерноста, медитеранскиот и европскиот шарм. Градот има три важни делови: Медина, која е старото арапско и турското јадро на градот, францускиот дел, формиран на крајот на XIX и во првата половина на XX век и најновиот, модерен дел кој прстенесто се протега на север и по бреговите на езерото Тунис.

Што да се посети во Тунис:
Tуристите во Тунис можат да ги посетат историските споменици како што се остатоците од античката Картагина, римскиот амфитеатар во El Jem, Националниот музеј Бардо со најголемата колекција на римски мозаици, потоа извонредната архитектура со Арапско-Андалузиски стил и вредните културно-историски споменици во сликовитиот град Sidi Bou Said. Тука се и необичните Берберски куќи закопани во мекиот пустински камен-песочник, можете да пробате различни национални јадења од традиционална Берберска кујна, прочуениот кус кус или француски багети, кроасани и сирења, италијански тестенини пропратени со звуците на италијанската канцона. А егзотичните оази среде пустина – е тие се посебна приказна, магија на која ретко кој останува рамнодушен. Поради пријатната медитеранска клима, туристичката сезона во Тунис трае во текот на целата година. Сонцето, плажите, морето, песокот, камилите, пустината, оасите, удобните хотели се првата асоцијација за оние кои патуваат во Тунис. Тунис е сè, но многу повеќе…

Летувалишта

АМАРТ (GAMMARTH) – е летувалиште на Mедитеранскиот брег, лоцирано на 15 км северно од Тунис, до градот Ла Марс. Некогаш мало рибарско село, од втората половина на 20 век, се претвори во елитно предградие со раскошни вили и резиденции, високи хотели, ресторани, продавници и галерии. Во неговата близина се наоѓаат урнатините на античката Картагина и модерната Сиди Бу Саид.
ХАМАМЕТ (HAMMAMET) – Некогаш едно мало рибарско село во заливот Хамамет, на југот на полуостровот Кејп Бон, најплодниот и најзелениот дел на Тунис, прераснало во омилено летувалиште на многу познати уметници во 19 век, како што се Гистав Флобер, Оскар Вајлд и Андре Жид. Стариот град е составен од медина од 15 век, изградена на карпите долж крајбрежјето. Во рамките на исклучително добро сочуваните sидови се наоѓа лавиринт со поплочени улици и тесни патеки, и во него има куќи на жители и бројни продавници и галерии.
Развојот на туризмот во Тунис започнува во Хамамет во 1960-тите. Најстарите хотели со бујни медитерански градини се наоѓаат во поширокиот центар на градот, а тука се и двете туристички зони: Хамамет Норд, кој се протега на север до Набел, познат по прекрасните песочни плажи, а на југ, 9 км од центарот на градот, Јасмин (YASMINE) Хамамет, модерно туристичко подрачје, моделирано по познати медитерански хотели, со новоизградена медина (куќички чаршии, бутици, ресторани и слаткарници), марина, до која може да се стигне до прекрасно шеталиште долга околу 3 км и забавен парк на Картагина. Јасмин Хамамет нуди сместување во удобни хотели во близина на плажите и морето, бројни можности за рекреација, забава, излегување и купување, што го направи една од најдобрите медитерански дестинации во последните години. Таа стана една од најпопуларните и најбараните дестинации за одмор на Медитеранот.
СУС (SOUSSE) – Сус е трет по големина град во Тунис со население од околу 900.000 и е туристички главен град на земјата. Постојат бројни хотели покрај прекрасните песочни плажи, а градот е познат и по својата медина од деветтиот век, една од најдобро зачуваните тврдини во Тунис, нудејќи прекрасен поглед на целиот град.
Одење низ улиците и тесните пасуси на медината е можност да се истражи и запознае ориенталниот свет, неговиот специфичен ритам и шармот на типичното ценкање при продажбата.
ПОРТ ЕЛ КАНТАУИ (PORT EL KANTAOUI) – Се наоѓа на 6 км северно е од Сус. Овој туристички центар е изграден од 1979 година како голема туристичка област околу марината каде повеќе од 300 јахти можат да се укотват во исто време. Архитектурата, иако модерна, се потпира на туниската традиционална архитектура, со бели куќи украсени со тиркизни сини врати и прозорци. Хотелите се градени во сличен стил долж бреговите на кристалното чисто море, на песочни плажи се до градот Сус. Поради долгите плажи, удобните хотели и богатиот ноќен живот, Порт Ел Кантуи стана омилена дестинација за семејни и млади туристи.
Пристаништето е украсено и чисто, целосно прилагодено за туристи, со многу зеленило и цвеќиња, идеално за прошетки. Марината има голем број на продавници, кафулиња, ресторани и познатата фонтана со лесна музичка кореографија. Со такси или локален превоз е лесно и брзо да се стигне до Сус, но и во Хергел, мало Берберско село со неколку одлични ресторани и слаткарници и добро зачуван локален животен стил.
СКАНEС (SKANES) – Тивка туристичка зона која се наоѓа во близина на два града, Монастир на југ и Сус на север. Има голем број на добри хотели со богати содржини. Сканес е вистинското место за семеен одмор, за патниците кои сакаат одмор во тивка атмосфера, со огромни маслинови градини кои доминираат во овој регион уште од римскиот период. Во туристичката област има продавници за сувенири и кафулиња, а за обиколка на областа расположиви се и кочии што чекаат надвор од хотелот. Со такси или локален транспорт лесн и брзо може да се стигне до Монастир и Суза.

МОНАСТИР (MONASTIR) – Некогаш мало рибарско пристанишно место а денес едно од најпопуларните туристички места во Тунис. Се наоѓа на окулу 160км јужно од главниот град, на врв на полуостров 25км јужно од Сус.Туристичката зона во Монастир е добро развиена и се простира речиси 10км долж обалата до местото Сканес. Монастир е родното место на првиот претседател на Република Тунис – Хабиб Бургиба, поради што неговото име и дело се честа појава во овој регион.

МАХДИЈА (MAHDIA) – Мал крајбрежен град кој се наоѓа јужно од Монастир, на тесен полуостров, кој е одвоен од остатокот од копното со единствената градска порта Скита ал Кал од остатокот на копното. Махдија успеа да го зачува шармот на локалниот, мирен туниски град. Неколку сцени од филмот Англиски пациент се снимени во пристаништето во Махдија. Тоа е одлична почетна точка за истражување на централните и јужните делови на Тунис. Туристичката зона се протега по прекрасната песочна плажа северно од градот и нуди квалитетни и удобни хотели.

Програма

1 ден | СКОПЈЕ – МОНАСТИР (Тунис)

Состанок на скопскиот аеродром 3 часа пред полетување. Директен лет кон аеродромот “Habib Bourguiba International Airport” лоциран во Монастир, во раните утрински часови согласно поставеното време на лет. По пристигнувањето, средба со претставник на партнер агенцијата во Тунис и трансфер до избраниот хотел. Превземање на собите и сместување според определеното време и правило на пријавување на хотелот (најчесто окулу 14:00 часот на денот на пристигнувањето).

2 – Претпоследен ден | ПРЕСТОЈ ВО ХОТЕЛ

Престој во избраниот хотел покрај прекрасните песочни плажи на Медитеранскиот Брег во некој од туристичките региони Хамамет, Сус, Монасти или Махдија, согласно бројот на резервираните ноќевања ( 6 или 13 ноќи / 7 или 14 дена) во зависност од аранжманот и терминот. Информативен состанок со локални претставници и можност за бројни факултативни излети.

Последен ден | МОНАСТИР (Тунис) – СКОПЈЕ

Одјавување и напуштање на собите најдоцна до 12 часот, или според правилата на хотелот. Слободно време до организираниот трансфер кон аеродромот во Монастир во вечерните часови. Директен лет за Скопје во поставеното време, доцна навечер. Пристигнување во Скопје во раните утрински часови (наредниот ден). Крај на услугите.

Забелешки

ЦЕНАТА НА АРАНЖМАНОТ ВКЛУЧУВА:

» Директен авионски лет на релација Скопје – Монастир – Скопје, со вклучен чекиран багаж до 20кг.

» Аеродромски такси и сигурносни такси.

» Сместување во избраниот хотел според резервираниот термин со 6 или 13 ноќевања, на база на избраната услуга.

» Организиран групен трансфер аеродром – хотел – аеродром (На барање, со доплата може да биде организиран приватен трансфер).

» Локална асистенција и Услуги на претставник на организаторот.

» Организација на програмата.

ЦЕНАТА НА АРАНЖМАНОТ НЕ ВКЛУЧУВА:

» Задолжително здравствено патничко осигурување.

» Останати индивидуални трошоци и факултативни екскурзии.

» туристички таккси – се плаќаат на рецепција во хотелите (2 TND за хотели со 3*, односно 3 TND за хотели со 4* и 5* по лице од ден. (1 EUR = 3,3 TND)

УСЛОВИ И НАЧИН НА ПЛАЌАЊЕ:

» Плаќањето се врши исклучиво во денарска противвредност по курс од 62 Денари за 1 Евро.

» За резервација потребна е авансна уплата во висина од 30% од вкупната цена на аранжманот, освен во ситуации кога е дефинирано поинаку (Ран Букинг, акции, промоции…), а преостанатиот износ се доплаќа најдоцна 15 дена пред патување.

Препорачуваме да ги проверите сатниците на полетување 24 часа пред објавеното – планирано време на полетување. Сите сатници-времиња се дадени во локално време. Организаторот не прифаќа одговорност за промени во сатниците кои се резултат на промени во редот на летање на авиопревозникот, или доколку истите настанат од причини кои не можат да се предвидат. Евентуалното пристигнување во хотелот по полноќ или во раните утрински часови се смета за реализирана услуга. За можните спорови ќе се применува важечката регулатива во авио сообраќајот. ”

ОПШТИТЕ УСЛОВИ ЗА ПАТУВАЊЕ НА МАРТИН ТРАВЕЛ СЕ СОСТАВЕН ДЕЛ ОД ОВАА ПРОГРАМА

* ФАКУЛТАТИВНИТЕ ИЗЛЕТИ не се составен дел на програмата за патување и претставуваат засебен договор помеќу патникот и организаторот на излетите – локалната агенција. Во деновите кога се организираат излети патниците може да се обратат на рецепцијата во сместувачкиот капацитет ланч пакет или ладен оброк. Мартин Травел не сноси одговорност за евентуални поинакви усни информации за програмата на патување.